Shopping Cart

Your cart is empty

Continue Shopping

احسن ١٠ ميك آب أرتيستس في مصر

فرحك المفروض يبقى أحلى يوم في حياتك


تخيلي معانا كده أن فرحك كمان كام شهر… بعد تعب و عناء كتير في انك تنقي الورد والفستان والمكان المثالي ، وخلاص ظبطي كل تفاصيل الفرح. مبقاش فاضل غير انك تختاري الميكب أرتيست اللي هيخلي شكلك زي القمر يوم فرحك، بس معندكيش أي فكرة مين أحسن ميك اب أرتيست بالنسبة لك وبالنسبة لستايلك.


عشان احنا عارفين ان القرار ده بيكون صعب جداً جمعنا لك أشطر ١٠ ميك آب أرتيستس في مصر اللي مضمون انهم يخلوا أي بنت شكلها تحفة يوم فرحها!


١. دينا راغب

حقوق الملكية الفكرية: dinaragheb@

دينا عندها ستايل ملوش مثيل لأنها بتخلي شكلك جميل وطبيعي جداً لأنها بتهتم انها تنقي وتستخدم ألوان تناسب لون بشرتك.


٢. آية عبدالحميد

حقوق الملكية الفكرية: ayaabdelhamid@


آية عندها خبرة سنين في مكياج الأفراح والمشاهير بسبب أن والدها كان من أشهر الميك اب أرتيستس وعلمها من سن صغير جداً وفي نفس الوقت عندها كذا ستايل مبتكر عشان تحقق اللوك اللي نفسك فيه.


٣. ندى الشانتي

حقوق الملكية الفكرية: maquillagebynada@


مع أن ندى من الميكب أرتيستس الجداد نسبياً، احنا بنحب جداً طريقتها الإحترافية وستايلها الفريد من نوعه. أكتر حاجة بنحبها في ندى انها مش بتخاف تجرب حاجات جديدة وتستخدم ألوان مختلفة وجريئة وده هيخلي كل العيون عليكي انت!


٤. زينة النجار

حقوق الملكية الفكرية: zeinaelnaggar@


زينة من الميكب أرتيستس الأكتر شعبية في مصر وده عشان هي لها طريقة خاصة بتعتمد انها تستخدمها عشان تظهر ملامحك بشكل مميز وطبيعي في نفس الوقت.


٥. شريف طانيوس

حقوق الملكية الفكرية: sharifftanyous@


شريف معروف بستايله اللي بيظهر أي بشرة بملمس مخملي ، ناعم ، وخالي من أي شوائب. ده غير طبعاً قدرته على استخدام الهايلايتر عشان يخلي شكل البشرة كأنها بتنور من جوة!


٦. ماجي مراد

حقوق الملكية الفكرية: magy_mourad_makeup_artist@


ماجي من أبرز الميك اب ارتيستس في مصر بسبب خبرتها الطويلة مع المشاهير والعرائس ، والخبرة دي بتخليها اختيار مثالي لأي عروسة نفسها يبقى شكلها تحفة في يوم فرحها!


٧. دينا ديميتري

حقوق الملكية الفكرية: dina.dimitry@


دينا فنانة بكل معنى الكلمة. اللي بيخلي ستايل دينا فريد من نوعه هو ان هي شايفة ان هي مش مجرد بتعمل مكياج شكله حلو ، هي بتبقى عايزة تعمل لوحة فنية عظيمة تخلي البنت اللي تشتغل معاها واثقة في نفسها وفي أسعد حالاتها.


٨. سالي راشد

حقوق الملكية الفكرية: _ sallyrashid@


سالي ميكب أرتيست بتدرس فن المكياج بجانب كونها عندها سنين من الخبرة. شعبيتها الكبيرة بدأت بسبب احترافيتها وتركيزها في شغلها ، وده خلاها توصل لأنها تفتح السنتر الخاص بها في الساحل الشمالي!


٩. دينا الكاشف

حقوق الملكية الفكرية: dinaelkasheff@


دينا اشتغلت مع أكبر الفنانين زي يسرا اللوزي وهند صبري! شغلها بيتكلم عن نفسه لأنه فريد من نوعه وبسيط ، وده بيخليها فنانة تقدر تحضرك لأي حدث ومش بس لفرحك!


١٠. كيكي بيوتي بوتيك

حقوق الملكية الفكرية: kikibeautique@


كيكي ميكب أرتيست عالمي للفنانين والعرائس بسبب ستايله اللي بيخلي بشرة أي بنت لها شكل مخملي تحفة ويخليها دائماً واثقة من نفسها وزادت شعبيته في الفترة اللي فاتت بسبب شغله مع بسنت شوقي ، اللي كله كان بيتكلم عن اللوك بتاعها!



ملحوظة أخيرة ، القائمة دي أكيد هتتجدد في مرحلة ما بسبب كمية المواهب الكبيرة اللي بتظهر كل يوم في مجال الميك اب أرت ، وانت ابعتيلنا أسامي الميك اب أرتيستس المفضلين بتوعك!